एउटै हाम्रो मातृभूमि, एउटै हामी जाति

॥१॥ एउटै हाम्रो मातृभूमि, एउटै हामी जाति
जहाँ जाऔं नेपाली हौं , हिमाल हाम्रो छाति
एउटै हामी जाति, हिमाल हाम्रो छाति, नेपाल कै साथी

॥२॥ जहाँ जान्छौं नेपाल पनि साथै हामी लान्छौं
नेपालको सुखदु:ख सवै आफ्नो ठान्छौं
नेपालीपन हाम्रो गर्व हाम्रो पहिचान
नेपाल कै सन्तति हौं पराई नठान
एउटै हामी जाति, हिमाल हाम्रो छाति, नेपाल कै साथी

॥३॥ मेचीकाली सीमाभित्र मात्र हामी छैनौं
हिमाल देखि तराईमा ‘नि सीमित हामी छैनौं
जहाँ जान्छौं बनाउँछौं आफ्नै परिवेश
नेपाल भन्दा प्यारो छैन कुनै अर्को देश

एउटै हामी जाति, हिमाल हाम्रो छाति, नेपाल कै साथी

स्वर : आनी छोइङ डोल्मा

संगीत : न्ह्यु बज्राचार्य

शव्द : जुगल भूर्तेल